Thursday, October 13, 2005
Nagkaroon ako ng inspirasyong isulat (o sa pagkakataong ito, i-type) ang uh.. kung-ano-man-ang-tawag-dito mula sa isang natatanging karakter mula sa palabas na gawa ng mga Hapon, ang Naruto.
Ang pangalan ng naturang tauhan ay Raiga, na ang literal na ibig sabihin ay kidlat o
lightning sa ingles. Gaya ng sinasabi ng kanyang pangalan, isa siyang nilalang na may kakayahang gamitin ang kapangyarihan ng kidlat laban sa kanyang mga katunggali- ang mga bida. Sa makatuwid, isa siya sa mga iginagalang na kalaban na nagpapaganda sa takbo ng istorya.
Isang "tipikal na antagonista" si Raiga, ika nga. Ngunit ang nagpapa-iba sa kanya ay ang hilig niya sa mga burol. Oo, tama ang pagkakabasa ninyo- burol nga. Yung tipong may inililibing, may mga naghuhukay at may itinitirik na kandila habang siya ay ngumangawa ng todo. Ayon sa kanya, gustong-gusto niya ang may ibinuburol dahil sa pangyayaring ito ay nawawalan ng kaaway ang bawat nilalang. Lahat ay tumatangis para sa inililibing. Kaya naman sa sobrang kagutuhan niya dito, iginagawad niya ang parusang "paglilibing nang buhay" sa sino mang nangahas na salungatin ang kanyang mga kautusan.
Kakaiba, hindi ba? Maaaring ngayon ay nag-iisip kayo ng mga katagang "Baliw, Sira, 'Lang 'ya, Eng-eng, o kaya naman ay @*#&" upang ilarawan si Raiga. Ngunit kung iisipin natin, ang mga kataga niya ay may katuturan. At kung lalo pang iintindihin, mabigat ang ibig sabihin ng kanyang mga salita.
Sa kamatayan ng isang tao, nawawalan siya ng kaaway. Naaalala ang mga kabutihang nagawa niya sa mundo. Pinapatawad na siya sa kanyang mga kasalanan. Pinag-sisisihan ng mga nagmamahal sa kanya ang hindi pagsasabi ng kanilang nadarama para sa namaalam. Pinaparangalan siya, inaalayan at ipinagdadasal. Sa kanyang burol ay nagugunita ng lahat ang kanyang katauhan at kasabay ng pagbabaon sa kanya sa lupa ay ang pagbabaon ng mga naiwan niya sa puso ng bawat isa na sa katagalan, sa kasamaang palad, nababaon na rin ito sa limot.
Ipinapaalala sa atin ni Raiga ang isang napakahalagang katotohanan ng buhay. Malalaman mo lamang kung gaano kahalaga ang isang bagay kapag ito ay nawala na sa iyo. Masakit mang isipin, sa palagay ko ay nangyari na ito sa napakaraming tao. Maging ang bagay ay isang literal na bagay, isang tao o kaya naman ay hayop, ang mga ito ay dapat nating pahalagahan habang naririto pa sila sa buhay natin- kahit ba araw-araw mo nakikita ang mga ito. Tayo ay maging kontento sa mga bagay na meron tayo at lubus-lubisin ang bawat segundong kapiling ang mga ito.
Mahirap gawin, oo. Pero kung gusto, may paraan, 'di ba?
~You used to captivate me
By your resonating life
Now I'm bound by the life you've left behind~
wishing;
9:02 PM
About Me
The Works
sigatures and icons made by me: P H O T O B U C K E T!!!
Me, myself and I
I am a mage from the planet Cephiro destined to beat Bill Gates and his intelligent house after 15 years. I came here to grace you with my hypnotic presence and to warn you of my plan to dominate the world. I'll make sure that every woman in the military, in the near future, wears a mini-skirt. Oh, and I would never forget, my beloved fellow xientians to automate Quesci.
However, I will do it after I have finished building a cable car that connects DEEE to the College of Engineering.
//~dream sequence ends~//
"Posturang Postura Kahit walang laman ang Bulsa"
-isang linya mula sa Kagilagilalas na Pakikipagsapalaran ni Juan dela Cruz
Kilala nyo ba ako? Take this quiz to see!
My Online Johari Window: Describe me using 5 or 6 words: here!
Likes
anime, fanfiction, original fiction, books, airplanes, animals in the wild, nature in general, law novels, nice character development, country, games, computers, fridge, food, food, food and above all God.
Loathes
YOU!! joke! insensitive people who just go their way not caring if they hurt others.
The Wishlist
SM, Glorietta, PAL, Tokyo Disneyland, money, ice cream, food, food and food again. Oh and don't forget world peace.
